Poems

De 7 genomineerde gedichten:

Klaas Feenstra fan Burgum, winner.

P.C.

Blau it swerk, fan sinne oergetten;
fleur en kleur op it Sjűkelân.
Ien famylje, hechte bân,
spande troanjes űnder petten.

Troch de rigen giet in rűzjen:
bűten; boppe; triktrakslach,
fűl, feninich, mei ferdraach
heine en slaan; de ballen sűzje.

Libbensbyld: dyn eigen frachtsje
sjouwe yn't perk fan al den dei.
Eagen iepen, aloan wach,

selden reden foar jűchhei,
inkeldris in boppeslag,
altyd moatst de bal ferwachtsje.

Gedicht troch Dik Jagersma fan Grins, nominearre

PC

Foar 't earst op 't Sjűkelân, it like wol in earetsjinst
Lyturgen yn jacquet, of mei in pet op oan foarminst

In soad âld-keningen as goadensoannen yn 't publyk
Opnij genietsjend fan dit ien dei duorjend keninkryk

Tsientűzend minsken klapten lűd of waarden műskestil
Ien misse slach bepaalt soms wa 't de krânsen krije sil

Dit bjusterbaarlik barren yn 'e lijte fan De Bocht
Ha ik yntiid al mear as fijfentweintich kear besocht

En gâns partijen die ik jűns op będ noch even oer
Al dreamjend waard ik sels dan wolris kening fan't partoer

Dy keningstitel fűn ik oars net by sa 'n folkssport stean
Mar 'k seach ris op it bolwurk in űnttroande kening gean

Mei in stikmannich slokjes op en űnfęst op 'e foet
Wie hy wer ien fan 't keatsersfolk, en ik tocht: “sa is 't goed”

Jelle Rypma fan Boalsert, nominearre

Dream fan in ledekeatser

Fűgels toarkje
om de dakken fan de hűzen
Of om de djoere
nije tourren hinne

Tsientűzen minsken
sa stil as műzen

Dan moat jo as artyst wat kinne

Dat soe ik wol wat fine

Om op dat stuit, op dat fjild,
in platten of in hegen,
Op'e kwea of oer de line

Sa'n bal de weareld út te fegen

Meindert Bijlsma fan Kimswert, nominearre

Net te beslaan

Ik stelde, doe't Fligenier en Brandweerautobaas ôffoelen,
foar't Grutte Spul mei Wurdum-Wommels-Frjentsjer.

Yn Wurdum, troch in wâl fan wetterwylgen om't hôf
fan'e pastorijetún hinne, bekipe Rinse Brink teműk
it keatsfjild. Nettsjinsteande it hofkesjongen woe er my
grif syn segen noch wol jaan. De keunst soe'k ôfsjen
fan Douwe Hilarides en Jehannes Duhoux.
Sjoen haw ik, mar mei de keunst ... en ek de segen …

Wommels ha'k noch helle, mei Frâns en Henky.
Frâns foar bęst op en efteryn, Henky foar minst en foaryn.
Ien omloop op'e Terp, it Sjűkelân net te beslaan.

Mar de ballen fan it libben dy't op my ôfkamen
ha 'k altyd besocht mei fjoer en faasje te kearen.

Tjisse Hettema fan Seisbierum, nominearre

P.C.

de moaie frou
tapet
samar bier
en de mannen
heine har trik-trak
spul
yn de műle

elk nimt syn
eigen plak
de alkohol dy't
hinget en wierret
stuitet
en skjirret

de do, de jo
de man froeger
de frou no
har alles
har lyst bedrjo

alles waait hjir
troch de bank nommen
ien kear yn't jier
oer en om har hinne
in earmslach
in eachopslag

de do, de jo wer
by de âlde
as de kening
hinget

Thys Balt fan Drachten, nominearre

PC - Bildtsaigen

Hij is bútten, foor! Hij sit.
Overlope, kom maar weer, frek wat doe't dy klau my seer.

Heu dou mantsy, watsoustou, Soek dy bâl !
En wat saist nou?

Bildtse kaatsers en PC, Gek fan't bâltsy, alle twee.
Osinga en Wassenaar, Bierma's en Leeuwens(twee).
Dooi de Bildt, Klaas Keut en Groen, Wallendals en Sake Porte,
Pieter Jetse en nag meer!

Kaatsers fan'e Waddensee, foel't mistery fan PC.
Aren út Skelpen, kaatsersbloed.
Sterke ęrms, de pries rúkt soet.

150 is de stând. Reken op 't Bildtse lând.

Laas Bloemhof fan Harns, nominearre

De âldste spiler

Fan in stikje lear en wat kowehier,
spylje ik al mear as 150 jier.

Op de PC - it is altiten gek -
slaan se my in protte yn'e bek.

Pripperje my leaver plat oer de line.
Of lit my heech driuwe, de achterynse bine.

En dęrnei in űnferwachte bal der tusken yn,
haw ik leaver dan dat ik oer de kwea ferdwyn.

Skourre de útslagers my, foaral de tűke,
dan rôlje ik straks troch de hoeke.

Mar it leafst hear ik, dat se allegearre raze en roppe,
ik flean dan yn ien kear - as in streep - boppe.

Fine se my op tiid en bringe my werom,
hoopje ik dat ik wer yn'e finale kom.